• გააძლიეროს სამიზნე რეგიონებში მეცხოველეობის (მერძევეობა) და მეფუტკრეობის სფეროში ჩართული მიკრო, მცირე და საშუალო ზომის ფერმერები;
• მერძევეობისა და მეფუტკრეობის ღირებულებათა ჯაჭვის მხარეების პრაქტიკული უნარ-ჩვევებითა და ცოდნით აღჭურვა;
• სურსათის უვნებლობის საქმიანობის შესაბამისობის გაუმჯობესება ვეტერინარიისა და სანიტარული/ფიტოსანიტარული ნორმების კუთხით;
• მომხმარებლების, სამოქალაქო საზოგადოების ჯგუფებისა და მედიის ცნობიერების ამაღლება სურსათის უვნებლობის მარეგულირებელის მოთხოვნებისა და მომხმარებელთა უფლებების შესახებ, მათი ყიდვის გაცნობიერებული ხელშეწყობის მიზნით.
• სოფლად სიღარიბის შემცირება სოფლის მეურნეობაში ჩართული მცირე მეწარმეების კონკურენტუნარიანობის ამაღლებისა და შემოსავლების ზრდის გზით.

საგრანტო კონკურსი მერძევეობის და მეფუტკრეობის მიმართულებით მცირე და საშუალო ზომის პირველადი მწარმოებლებისთვის (ფერმერებისთვის) მოიცავს რამდენიმე ეტაპს :

• ბიზნეს გეგმების წარდგენა
• ბიზნეს გეგმების შეფასება (მონიტორინგი და გასაუბრება)
• გამარჯვებულ ბენეფიციარებთან საგრანტო ხელშეკრულების გაფორმება
• ბენეფიციარების მიერ თანამონაწილეობით განსაზღვრული ვალდებულებების შესრულება
• აღჭურვილობის შესყიდვა და შესყიდული ინვენტარის ბენეფიციარებისთვის გადაცემა.

ფერმერები, რომლებსაც აქვთ სურვილი განაცხადი გააკეთონ საგრანტო კონკურსზე უნდა აკმაყოფილებდნენ შემდეგ მოთხოვნებს:

• ბენეფიციარი უნდა იყოს საქართველოს სრულწლოვან მოქალაქე, რომელიც არ არის საჯარო მოხელე.
• ბიზნესის განხორციელების ადგილი უნდა მდებარეობდეს პროექტის სამიზნე ერთ-ერთ რეგიონში (კახეთი, იმერეთი, გურია, რაჭა-ლეჩხუმი და ქვემო სვანეთი).
• საგრანტო კონკურსში გამარჯვების შემთხვევაში, ბენეფიციარი ვალდებულებას იღებს თანამონაწილეობის თანხა (მოთხოვნილი დაფინანსების 30% (ფიქსირებული)), ჩარიცხოს საგრანტო ხელშეკრულების გაფორმების ეტაპზე გადასვლის შემთხვევაში არაუგვიანეს 2 კვირის ვადაში;
• ფერმერებმა, რომლებმაც ამავე პროექტის ფარგლებში უკვე მიიღეს დაფინანსება სადემონსტრაციო ფერმის მოწყობის მიზნით ეზღუდებათ აღნიშნულ საგრანტო კონკურსში მონაწილეობა.

დამატებითი მოთხოვნები:

• მერძევეობის ფერმის შემთხვევაში უნდა ჰყავდეს 1- 25 მეწველი ძროხა.
• მეფუტკრეობის ფერმის შემთხვევაში უნდა ჰყავდეს 5-100 ფუტკრის ოჯახი.

კონკურსის პირველ ეტაპზე განმცხადებელს მოეთხოვება ატვირთოს სრულყოფილად შევსებული განაცხადის ფორმა (ქართულად) და ბიზნესის განხორციელების ადგილიდან 3 ფოტოსურათი.  

საგრანტო კონკურსში გამარჯვების შემთხვევაში, ხელშეკრულების გაფორმების ეტაპზე ბენეფიციარმა უნდა წარმოადგინოს შემდეგი დოკუმენტები არაუმეტეს 2 კვირის ვადაში: 

1. ბიუჯეტით დაგეგმილი შესასყიდი საშუალებების მომწოდებლების ნუსხა და ინვოისი;

2 . პირადობის მოწმობის ასლი/ასლები;

3. ამონაწერი საჯარო რეესტრიდან (შპს, კოოპერატივის შემთხვევაში)/მეწარმე სუბიექტად რეგისტრაციის მოწმობა (ინდივიდუალური განმცხადებლის შემთხვევაში)/ფიზიკური პირი გადასახადის გადამხდელის მოწმობა;

4. ბიუჯეტის დაზუსტებული ფორმა – შესასყიდი საშუალებების ჩამონათვალი და ღირებულება;

5. საკუთრების ფლობის უფლება (მესაკუთრეს შემთხვევაში – ამონაწერი საჯარო რეესტრიდან განახლებული, იჯარის შემთხვევაში – მინიმუმ 2 წლიანი წინარე საიჯარო ხელშეკრულება, ოჯახის წევრის მფლობელობის შემთხვევაში – დროებით სარგებლობაში გადმოცემის დოკუმენტი დამოწმებული ნოტარიუსის მიერ, მინიმუმ 3-5 წლიანი).

6. საგრანტო კონკურსში გამარჯვების შემთხვევაში, ფერმერი ვალდებულია საქართველოს კანონმდებლობის თანახმად დარეგისტრირდეს შესაბამის სისტემაში. არაორგანიზებულ მწარმოებლად (ოჯახურ მწარმოებლად) რეგისტრაცია მოეთხოვება ფერმერს, რომელსაც ჰყავს არაუმეტეს 5 სული მსხვილფეხა პირუტყვი, ფუტკრის ოჯახების ყოლის შემთხვევაში არაუმეტეს 30 ოჯახი. ბიზნეს ოპერატორად რეგისტრაცია მოეთხოვება ფერმერს, რომელსაც ჰყავს 5 სულზე მეტი მსხვილფეხა პირუტყვი და/ან 30 ზე მეტი ფუტკრის ოჯახი.

ხშირად დასმული კითხვები

1. ვის შეუძლია მონაწილეონის მიღება?

ნებისმიერ საქართველოს სრულწლოვან მოქალაქეს, რომელიც არ არის საჯარო მოხელე.

2. რა ფინანსდება საგრანტო პროექტის ფარგლებში მესაქონლეობის (მერძეული) მიმართულებით?

· მობილური საწველი აპარატი ( 1, 2, ან 4 სისტემიანი) (საჭირო ქიმიური ხსნარებით და სათადარიგო ნაწილებით) ქიმიური სარეცხი – 5 ლიტრი მოცულობით – ტუტე ხსნარი ქიმიური სარეცხი – 5 ლიტრი მოცულობით – მჟავა ხსნარი ცურთითის ჩამოსაბანი ჭიქა ცურთითის მოსაწმენდი მასალა 1ლტ ცურთითის დამცავი სილიკონი

· რძის გამაცივებელი ავზი

· რძის უჟანგავი ბიდონი

· მზის პანელები (ელექტროსადგური)

· მზის წყალგამაცხელებელი

· ელექტრო ღობე

· ლაქტოსკანი

· ნამატის სადგომები (ხბორებს სადაც აჩერებენ)

· ელექტრო საფხანები

· საწყურებლები (ერთიანები „ენით“ და დასადგამები)

· CMT კალიფორნიული მასტიტის ტესტის კომპლექტი

· წყლის ავზი

· საწოვარა ბოთლი ხბოებისთვის 2,5 ლიტრიანი საწოვარით

· იატაკის საწმენდი სპეცალური ჯაგრისი და არმირებული პლასტიკის თოხი

· მრავალფუნქციური საკვების და ძირხვენების დასაღერღი და დასაჭრელი აპარატი

· მარცვლეულის საღერღი და ბალახეულის საჭრელი უნივერსალური აპარატი

· ხელის სათიბელა

· სილოსიის და სენაჟის ამღები მისაბმელი აგრეგატი

· სხვა (მიუთითეთ თქვენთვის სასურველი აღჭურვილობა, რომელიც არ არის ჩამონათვალში. აღნიშნული დაექვემდებარება კომისიის დამატებით განხილვას)

3. რა ფინანსდება საგრანტო პროექტის ფარგლებში მეფუტკრეობის მიმართულებით?

· ასტამი – სხვადასხვა (გამოიყენება ჩარჩოების ამოსაღებად, ჩარჩოების და სკების გასასუფთავებლად)

· პირბადე (გამოიყენება მეფუტკრის სახის დასაცავად დანესტვრისგან)

· კომბინიზონი (გამოიყენება მეფუტკრის დასაცავად დანესტვრისგან)

· ხელთათმანები (გამოიყენება მეფუტკრის ხელების დასაცავად დანესტვრისგან)

· საბოლებელი (გამოიყენება ფუტკრების დასაწნარებლად)

· სკა – სხვადასხვა ტიპის (დადანის 10 ჩარჩოიანი, დადანის 12 ჩარჩოიანი, რუტის)

· სკის შესაკვრელი ღვედი (გამოიყენება ფუტკრის ოჯახების გადატანისას)

· სკის გადასატანი ურიკა – ორთვალა (გამოიყენება სკების გადასაადგილებლად)

· ფუტკრის სარწყულებელი სხვადასხვა სახის (გამოიყენება ფუტკრებისთვის როგორც მარილიანი ისე

უმარილო წყლის ასაღებად)

· ელექტრო ღობე საფუტკრისთვის (გამოიყენება ფუტკრის ოჯახების დასაცავად ნადირისგან)

· თაფლის ფილტრი სხვადასხვა სახის (გამოიყენება თაფლისგან ცვილის, დინდგელის, მკვდარი

ფუტკრის მოსაცილებლად)

· თაფლის დასაყოვნებელი (ჩასასხმელი) ჭურჭელი პლასტმასის (ემალირებული) ან უჟანგავი (საკვებად

ვარგისი მასალისგან დამზადებული ევროპული წარმოების)

· ჩარჩოების სახვრეტი მექანიკური ან ელექტრო

· ჩარჩოში ხელოვნური ფიჭის ჩასაკრავი

· ცვილის (სანთლის) გადასადნობი (გამოიყენება ანათლების და ძველი ფიჭების გადასადნობად)

· დინდგელის შემგროვებელი პლასტმასი (გამოიყენება ფუტკრის ოჯახებიდან დინდგელის

(პროპოლისი) მისაღებად)

· ფუტკრის გამოსარეკი ჰაერის (გამოიყენება ფუტკრის ოჯახებიდან თაფლიანი ჩარჩოებიდან ფუტკრის

მოსაცილებლად ჰაერის საშუალებით)

· მჟავის ასაორთქლებელი-სუბლიმატორი

· ციბრუტი

· ჰომოგენიზატორი

· დოზატორი

· GSM სასწორი (ფუტკრის ოჯახში წონანამატის, ტენიანობის დატემპერატურის მონაცემთა

დისტანციური კონტროლისთვის)

· ფიჭის ასაჭრელი მაგიდა

· ფიჭის ასათლელი ავზი (ავტომატური ან მექანიკური)

· ფიჭის ასათლელი დანა (ავტომატური ან მექანიკური)

· მისამბელი სკების გადასაზიდი 8-10 სკის ტევადობის · დეკრისტალიზატორი · თაფლის პომპა · რეფრაქტომეტრი (თაფლის ტენიანობის და შაქრიანობის განსაზღვრა) · სუბლიმატორები და ჭიანჭველმჟავას ამაორთქლებლები · სხვა (მიუთითეთ თქვენთვის სასურველი აღჭურვილობა, რომელიც არ არის ჩამონათვალში. აღნიშნული დაექვემდებარება კომისიის დამატებით განხილვას)

4. პროექტის ფარგლებში დაუშვებელია შემდეგი ხარჯების დაფინანსება:

(შენიშვნა: პროექტით განსაზღვრულია ფერმერის ფინანსური კონტრიბუცია 30%_ის ოდენობით (თანამონაწილეობა). შესაბამისად ქვემოთ ჩამოთვლილი აქტივობები არ ჩაითვლება თანამონაწილეობად:

· შენობის აშენება;

· ინფრასტრუქტურის მოწესრიგება;

· გართობისა და წარმომადგენლობითი ხარჯები;

· სესხები და სესხების მომსახურების ხარჯები;

· საპროცენტო გადასახადები ან ვალი;

· კურსთა შორის სხვაობით გამოწვეული ზარალი;

· მოსაკრებელი, ჯარიმა, საურავი და პირგასამტეხლო;

· დანაკარგები ან მოსალოდნელი მომავალი ვალდებულებები;

· საწარმოს წილების/აქციების შეძენა;

· სესხის ან კრედიტის გაცემა;

· უძრავი ქონების (მათ შორის, მიწის) შეძენა;

· ადმინისტრაციული და მიმდინარე ხარჯები, როგორიცაა პერსონალის ხელფასები, სამივლინებო ხარჯი, საოფისე ფართის ქირა, კომუნალური ხარჯები და ა.შ.

· ბიოლოგიური აქტივის შეძენა (მაგ.. მსხვილფეხა პირუტყვი; ფუტკრის ოჯახები);

· გრანტის მიმღების მიერ სხვა პროექტსა ან სამუშაო პროგრამაზე წარსულში გაწეული ხარჯები

· სატრანსპორტო საშუალების შეძენა, გარდა სპეციალიზირებული სატრანსპორტო საშუალებებისა, რომელიც აუცილებელია პროექტის განხორციელებისათვის

· სხვა ყველა ხარჯი, რომელიც შეიზღუდება ხელშეკრულებით

5. რამდენია საგრანტო თანხის მოცულობა?

მინიმუმ 1000 ევრო მაქსიმუმ 3000 ევრო ექვივალენტი ლარში 30%-იანი თანამონაწილეობის ჩათვლით (იმ დღის ოფიციალური გაცვილითი კურსის გათვალისწინებით).

6. რა დოკუმენტები მოეთხოვება საგრანტო კონკურსში მონაწილეებს საგრანტო ხელშეკრულების გაფორმების ეტაპზე?

1. ბიუჯეტით დაგეგმილი შესასყიდი საშუალებების მომწოდებლების ნუსხა და ინვოისი;

2 . პირადობის მოწმობის ასლი/ასლები;

3. ამონაწერი საჯარო რეესტრიდან (შპს, კოოპერატივის შემთხვევაში)/მეწარმე სუბიექტად რეგისტრაციის მოწმობა (ინდივიდუალური განმცხადებლის შემთხვევაში)/ფიზიკური პირი გადასახადის გადამხდელის მოწმობა;

4. ბიუჯეტის დაზუსტებული ფორმა – შესასყიდი საშუალებების ჩამონათვალი და ღირებულება;

5. საკუთრების ფლობის უფლება (მესაკუთრეს შემთხვევაში – ამონაწერი საჯარო რეესტრიდან განახლებული, იჯარის შემთხვევაში – მინიმუმ 2 წლიანი წინარე საიჯარო ხელშეკრულება, ოჯახის წევრის მფლობელობის შემთხვევაში – დროებით სარგებლობაში გადმოცემის დოკუმენტი დამოწმებული ნოტარიუსის მიერ, მინიმუმ 3-5 წლიანი).

7. რა დამატებითი მოთხოვნებია მერძევეობის და მეფუტკრეობის მიმართულებით მცირე და საშუალო ზომის პირველადი მწარმოებლების (ფერმერების) დაფინანსებისთვის?

მცირე და საშუალო ზომის პირველადი მწარმოებლების დაფინანსებისთვის დამატებით საჭიროა მონიტორინგის ჯგუფის დადებითი დასკვნა, რაც გულისხმობს შემდეგს:

ბიზნეს გეგმის ტექნიკური გადარჩევის შემდეგ (ბიზნეს გეგმა შევსებული უნდა იყოს სრულად წესების დაცვით, ფოტოებთან ერთად), მონიტორინგის ეტაპზე გადასულ ფერმებში მონიტორინგის ჯგუფი ჩავა კონკრეტული განმცხადებლის ობიექტზე შემოწმების მიზნით. ფერმა თანხვედრაში უნდა მოდიოდეს ბიზნეს გეგმაში მითითებულ ინფორმაციასთან. მონიტორინგის ჯგუფის მიერ დადებული უარყოფითი შეფასება ანულებს განმცხადებლის აპლიკაციას და ბენეფიციარი ავტომატურად გამოეთიშება საგრანტო კონკურსს.

8. დამატებით რა მოეთხოვება დაფინანსებულ ბენეფიციარს?

ბენეფიციარს მოეთხოვება GeoGAP-ის სტანდარტის დანერგვა. სერტიფიცირებისთვის საჭირო ლაბორატორიული ანალიზების ხარჯები დაიფარება პროექტის მიერ, ხოლო ფერმერი ვალდებულია გადაიხადოს მასერტიფიცირებლის თანხა 350 ლარი.

9. რა დამატებითი მოთხოვნები სჭირდება მერძევეობის/მეფუტკრეობის მიმართულებით აპლიკანტს?

მერძევეობის ფერმის შემთხვევაში უნდა ჰყავდეს 1- 25 მეწველი ძროხა.

მეფუტკრეობის ფერმის შემთხვევაში უნდა ჰყავდეს 5-100 ფუტკრის ოჯახი.

10. რეგისტრაციის მოთხოვნა

საგრანტო კონკურსში გამარჯვების შემთხვევაში, ფერმერი ვალდებულია საქართველოს კანონმდებლობის თანახმად დარეგისტრირდეს შესაბამის სისტემაში. არაორგანიზებულ მწარმოებლად (ოჯახურ მწარმოებლად) რეგისტრაცია მოეთხოვება ფერმერს, რომელსაც ჰყავს არაუმეტეს 5 სული მსხვილფეხა პირუტყვი, ფუტკრის ოჯახების ყოლის შემთხვევაში არაუმეტეს 30 ოჯახი. ბიზნეს ოპერატორად რეგისტრაცია მოეთხოვება ფერმერს, რომელსაც ჰყავს 5 სულზე მეტი მსხვილფეხა პირუტყვი და/ან 30 ზე მეტი ფუტკრის ოჯახი.

გთხოვთ გაითვალისწინოთ რომ განაცხადს თან უნდა ერთოდეს ბიზნესის განხორციელების ადგილიდან ფოტოები, რომელიც კომისიას საშუალებას მისცემს ნათელი წარმოდგენა შეიქმნას ბიზნესის მდგომარეობის და/ან მისი განვითარების პოტენციალის შესახებ. ფოტომასალის გარეშე განაცხადი არ განიხილება!

ბიზნეს გეგმის მიღების ბოლო ვადაა 2025 წლის 17 მარტი.

განაცხადის ფორმა იხილეთ ვებ გვერდზე : www.grants.gfa.org.ge

განაცხადების მიღება ხდება მხოლოდ ელექტრონულად შემდეგ პლატფორმაზე: www.grants.gfa.org.ge

განმცხადებლის მიერ განაცხადის ფორმაში მითითებულ პლატფორმაზე ატვირთული და გაგზავნილი ბიზნეს გეგმა და ფოტომასალა ჩაითვლება ჩაბარებულად.

ბიზნეს გეგმის სააპლიკაციო ფორმა უნდა იყოს განმცხადებლის მიერ ხელმოწერილი PDF ფორმატში.

გთხოვთ გაითვალისწინოთ, რომ ხელით შევსებული განაცხადები არ მიიღება და შევსებისას გამოიყენოთ მხოლოდ ქართული სიმბოლოები.

დამატებითი კითხვებისთვის, გთხოვთ დაუკავშირდეთ საქართველოს ფერმერთა ასოციაციას

ცხელ ხაზზე: 032 2 193 003 (ორშაბათი-პარასკევი 10:00-18:00 საათი)